Spring til hovedindhold

Uppskot

Føroya Politi

Tíðindi

29. februar 2024 16:05

Enn ein dómur um smugling av hashi

Ein 52 ára gomul kvinna og ein 25 ára gamal maður eru í dag dømd 1 ár og 10 mánaða treytaleysa fongsulsrevsing í part fyri at hava smuglað knapt 24 kilo av hashi til Føroya.

Eitt mál um smugling av hash til Føroya er viðgjørt í Føroya Rætti í dag. Tað var ein samdur dómsmansrættur, sum dømdi eina kvinnu og ein mann 1 ár og 10 mánaða treytaleysa fongsulsrevsing í part fyri at hava smuglað knapt 24 kilo av hashi til Føroya í januar í ár.

Fólkini, sum komu til Føroya við Norrønu í januar í ár, vóru steðgaði av tollvaldinum við komu. Kanningar vístu skjótt, at bilurin, sum fólkini ferðaðust í, var serliga tilgjørdur til smugling. Í tveimum loyniligum rúmum millum dúrkið og botnin í bilinum fann politiið stóru nøgdina av hashi.

Fólkini, sum hava verið varðhaldsfongslað, síðani tey komu til Føroya, játtaðu seg lutvíst sek í Føroya Rætti, men greiddu frá, at tey ikki vistu, at talan var um eina so stóra nøgd av hashi, sum var í bilinum.

Hóast hesa frágreiðing frá teimum ákærdu, dømdi ein samdur dómsmansrættur bæði fólkini fyri at hava smuglað knapt 24 kilo av hashi til Føroya. Fólkini vóru hvør sær dømd 1 ár og 10 mánaða treytaleysa fongsulsrevsing.

Umframt hashið, var eisini bilurin, sum hashi var smuglað í, konfiskeraður.

Fólkini bóðu um umhugsunartíð og hava nú - eins og ákæruvaldið - 14 dagar at taka støðu til, um dómurin skal kærast til Eystara Landsrætt.

 

 

 

Endnu en dom om smugling af hash

 

En 52 årig kvinde og en 25 årig mand er i dag dømt 1 år og 10 måneders ubetinget fængsel for at have smuglet knap 24 kilo hash til Færøerne.

 

En sag om smugling af hash til Færøerne har været behandlet ved Retten på Færøerne i dag. Det var en enig domsmandsret, som i dag dømte en kvinde og en mand 1 år og 10 måneders ubetinget fængsel hver for at have smuglet knap 24 kilo hash til Færøerne i januar i år.

De tiltalte, som kom til Færøerne med Norrøna i januar i år, blev standset af toldvæsnet ved ankomst. Undersøgelser viste hurtigt, at bilen, som de rejste i, var særlig indrettet til smugling. I to hemmelige rum i bilen fandt politiet den store mængde hash.

De tiltalte har været varetægtsfængslet, siden de ankom til Færøerne. I Retten på Færøerne erkendte de to tiltalte delvist, men forklarede begge, at de ikke vidste, at der var tale om knap 24 kilo.

Denne forklaring til trods, dømte en enig domsmandsret begge de tiltalte for at have smuglet knap 24 kilo hash til Færøerne. De dømte fik hver 1 år og 10 måneders ubetinget fængsel. Udover hashen, blev bilen også konfiskeret.

De dømte udbad sig betænkningstid og har nu - ligesom anklagemyndigheden - 14 dage til at tage stilling til, om sagen skal ankes til Østre Landsret.

Samband við politiið:

Teldupostur: politi@politi.fo

Telefon:114

21. juni 2024

Føroya Politi

Fongsul í hálvt triðja ár fyri kynslig brotsverk á internetinum

Ein maður í 50'unum varð fyrradagin dømdur 2 ½ ára treytaleysa fongsulsrevsging fyri kynslig brotsverk móti børnum framd á internetinum.

18. juni 2024

Føroya Politi

Mál um kynslig brotsverk á internetinum

Føroya Rættur viðger í morgin eitt mál um kynslig brotsverk móti børnum framt á internetinum

12. juni 2024

Føroya Politi

19 ára gamal maður dømdur fyri óviljað manndráp

Ein 19 ára gamal maður er í einum dómsmansrætti í Føroya Rætti í dag dømdur 1 ár og 4 mánaða fongsulsrevsing fyri óviljað manndráp í sambandi við rúsevniskoyring.