Spring til hovedindhold

Uppskot

Føroya Politi

Tíðindi

17. mars 2023 13:06

Eystari Landsrættur staðfesti dóm í stórum hashmálið

Innsmugling av stórari mongd av hashi til Føroya var ikki fevnt av revsilógini.

Málið var um innsmugling av 9,3 kg. av hashi. Hashið var smuglað til Føroya í fjør summar, tá ein dani kom til Føroya við hashinum í einum bili, sum var serliga innrættaður til smuglingina. Maðurin bleiv tikin av politinum, tá hann royndi at avhenda hashið til ein føroyskan mann og eina føroyska kvinnu.

Av tí at talan var um sera stóra nøgd av hashi, og at innsmuglingin harumframt var professionelt fyriskipað, hevði ákæruvaldið reist ákæru eftir ásetingini í revsilógini um grovan narkotikakriminalitet.

Ákæruvaldið fekk ikki viðhald í Føroya Rætti um, at dømast skuldi eftir revsilógini. Føroya Rættur dømdi í staðin øll trý fyri brot á lóggávuna um euforiserandi evni. Lóggávan um euforiserandi evni verður brúkt til minni álvarslig mál um t.d. smugling av narkotika.

Ákæruvaldið kærdi málið til landsrættin við pástandi um, at tey ákærdu skuldu dømast fyri brot á revsilógina um grovan narkotikakriminalitet, og at revsingin harumframt skuldi herðast. Ákæruvaldið vísti m.a. á, at talan var um eina sera stóra nøgd, sum hevði eitt sera høgt søluvirði í Føroyum. Harumframt var víst á, at talan var um eina professionella innsmugling, sum hevði fleiri viðvirkandi í Føroyum og í Danmark.

Landsrætturin staðfesti í gjár dómin hjá Føroya Rætti, sum m.a. hevði grundgivið við, at markið fyri brot er á revsilógina í útgangsstøðinum er 10kg av hashi.

Staðfestingin merkir eisini, at føroyski maðurin fekk 2 ára treytaleysa fongsulsrevsing, danin fekk 1 ár og 6 mánaða treytaleysa fongsulsrevsing, og kvinnan fekk 1 ár og 3 mánaða treytaleysa fongsulsrevsing.

 

§ 191 í revsilógini um grovan narkotikakriminalitet

 

§ 191. Tann, sum ímóti lóggávuni um euforiserandi evni til fleiri persónar ella fyri mundandi gjald ella undir øðrum serliga skerpandi umstøðum avhendir slík evni, verður revsaður við fongsli í upp til 10 ár. Er talan um avhending av munandi mongd av serliga vandfamiklum ella skaðiligum evni, ella hevur avhendingin av slíkum evni á annan hátt verið av serliga vandamiklum slag, kann revsingin vaksa til fongsul upp i 16 ár.
   Stk. 2. Somu revsing fær tann, sum ímóti lóggávuni um euforiserandi evni innflytur, útflytur, keypir, útflýggjar, tekur ímóti, framleiðir, viðger ella hevur um hendi slík evni við tilætlan um at avhenda tey, soleiðis sum nevnt er í stk. 1.

 


Samband við politiið:

Teldupostur: politi@politi.fo

Telefon:114

8. februar 2025

Føroya Politi

Leiðari til Borgaratænastuna

Vilt tú verða við til at leiða og menna Borgaratænastuna í einum stovni, sum arbeiðir fyri trygd og tryggleika í Føroyum? Og hevur tú hug at starvast í einum stovni, ið hevur eitt sterkt virðisgrundarlag og stóran samfelagsligan týdning? So er tað kanska tær, ið vit leita eftir. Vit sóknast eftir einum royndum og dugnaligum leiðara til at standa á odda fyri Borgaratænastuni, ið er ein deild við ógvuliga fjølbroyttum virkisøki. Uppgávurnar hjá deildini eru millum annað telefon- og kundamóttøka í dagtímunum, skráseting av inngangandi posti, umsiting av passum, visum, revsiváttanum, funnum fæ og loyvum v.m.

8. februar 2025

Føroya Politi

Leder til Borgerservice

Færøernes Politi arbejder hver dag for at skabe tryghed og sikkerhed for borgere og virksomheder i hele landet. Vi er en organisation med stærke værdier og et tæt samarbejde med lokalsamfundet. Borgerservice er en central funktion i Færøernes Politi, hvor vi håndterer en bred vifte af opgaver - fra udstedelse af pas og visum til behandling af våbentilladelser. Afdelingen har 14 dedikerede medarbejdere fordelt på vores enheder i Tórshavn, Klaksvík og Suðuroy. Vi søger nu en erfaren og engageret leder, der kan stå i spidsen for Borgerservice og sikre en professionel og effektiv drift af afdelingen.

3. februar 2025

Føroya Politi

Udviklingsorienteret administrativ medarbejder til udlændingekontrolopgaver hos Færøernes Politi

Vil du være en del af en nyoprettet afdeling hos Færøernes Politi og være med til at skabe stærke rammer for fremtidens udlændingekontrol på Færøerne? Har du en struktureret tilgang dine arbejdsopgaver, er du åben for at lære nyt og er du også parat til at komme ud af kontoret? Så er denne stilling måske noget for dig!