Leiðari til Borgaratænastuna

Um starvið:

Sum leiðari í Borgaratænastuni hjá Føroya Politi fært tú ábyrgdina av dagligu leiðsluni av tænastutoyminum, sum í tí dagliga hevur fyrsta sambandið við viðskiftafólk. Deildin telur í løtuni 14 fólk og eru hesi staðsett í Klaksvík, á Tvøroyri, á flogvøllinum í Vágum og í Havn.

 

Vit vænta:

At tú skal vera hugkveikjandi og skipað-/ur. Harafturat skalt tú megna at tryggja góðskuna í arbeiðinum hjá tínum starvsfólkum, samstundis við at tú tryggjar eitt gott arbeiðsumhvørvi á deildini.

Starvið krevur eisini, at leiðarin, sum eitt slag av spælandi venjara, eftir tørvi kann taka lut í dagligu málsviðgerðini og taka vaktir, tá á stendur.

Tínar uppgávur vera fyrst og fremst:
 - At leiða og menna Borgaratænastuna og starvsfólkini á deildini
 - At tryggja eina munadygga og rætta málsviðgerð tvørtur um virkisøkir
 - At nýhugsa og optimera arbeiðsgongdir og tænstuna til viðskiftafólkini
 - At skipa tilfeingið og dagliga raksturin hjá deildini
 - At taka lut í dagliga rakstrinum eftir tørvi

Um teg:

Vit søkja eftir einum leiðara, sum:
 - Hevur royndir við starvsfólkaleiðslu og dugir at motivera starvsfólk
 - Er skipað/ur og megnar at halda yvirlitið í einum gerandisdegi, har tað kann verða nógv ferð á
 - Er siðiligur, dugir at finna loysnir og er tænastusinnaður
 - Trívist í einum leikluti, har man bæði er leiðari og luttekur í dagliga arbeiðnum
 - Dugir væl at samstarva og samskifta bæði við starvsfólk og viðskiftafólk.

Tað verða ikki sett krøv til ávísa útbúgving. Vit leggja í staðin dent á tínar leiðsluligu og persónligu førleikar. Tað er ein fyrimunur at duga væl at samskifta og málbera seg á føroyskum og donskum, bæði í skrift og talu.

 

Vit bjóða tær:

 - Ein spennandi og fjølbroyttan gerandisdag við meiningsfullum arbeiði
 - Møguleika fyri at seta tín dám á og menna Borgaratænastuna hjá Føroya Politi
 - Eitt arbeiðspláss við hugagóðum starvsfeløgum og einum sterkum felagsskapi
 - Fast tænastustað á politistøðini í Tórshavn


Vilt tú vita meira um starvið, so ert tú vælkomin at venda tær til Jeppe Bøgh Olsen, fyrisitningarstjóra, á tlf. 792022.

Løn og setanartreytir verða ásett sambært galdandi sáttmála við avvarðandi fakfelag á danska arbeiðsmarknaðinum.

 

Tín starvssetan er treytað av, at tú verður trygdargóðkend/ur av PET og tú kanst varðveita trygdargóðkenningina gjøgnum setanarskeiðið.

 

Umsóknarfreistin er 24. februar 2025. Umsókn við prógvi, lívrensli og øðrum viðkomandi skjølum skal sendast við telduposti til: FO-personalekontor@politi.dk

Vit gleða okkum til at hoyra frá tær!

Vit mæla øllum skikkaðum umsøkjarum uttan mun til kyn, aldur, ættarslag, átrúnaðarliga áskoðan ella etniskan uppruna til at søkja starvið.