Nøgdsemiskanning í Føroyum

Føroya Politi hevur fingið fleiri fráboðanir frá borgarum, ið hava móttikið eitt spurnarblað frá okkum í MínBoks.

Í hesum sambandi vilja vit kunna um, at Føroya Politi í løtuni ger eina nøgdsemiskanning í samstarvi við danska Justitsministeriet.

Kanningin viðger, hvussu borgarar, ið hava verið fyri ávísum slagi av brotsverki innan eitt ávíst tíðarskeið, eru nøgdir við arbeiðið hjá politinum í sambandi við teirra mál.
Tað hevði glett okkum, um tit, ið hava móttikið spurnarblaðið, geva tykkum stundir at svara spurnarblaðnum.

Tykkara nøgdsemi hevur stóran týdning fyri okkara arbeiði.