Spring til hovedindhold

Uppskot

Føroya Politi

Tíðindi

1. februar 2019

Deil

Deil

Pressuskriv

Politiið fekk í gjárkvøldið umleið kl. 2100 fráboðan um, at ein persónur á sosiala miðlunum “JODEL” ávaraði næmingar á Glasi ímóti at fara í skúla í dag, fríggjadagin 1. februar.

Politiið fekk í gjárkvøldið umleið kl. 2100 fráboðan um, at ein persónur á sosiala miðlunum “JODEL” ávaraði næmingar á Glasi ímóti at fara í skúla í dag, fríggjadagin 1. februar.

“JODEL” er ein APP, har ein kan samskifta, uttan at geva seg til kennar við navni ella øðrum, sum avdúkar hvør ein er.

Í samskiftinum sum tók seg upp í gjárkvøldið, luttóku fleiri persónar. M.a. varð spurt, um ávaringin snúði seg um ”School shooting”. Umframt hetta, var samskiftið sum heild sera ódámligt.

Tá rættiliga nógv ung nýta appina ”JODEL”, loypti hetta hvøkk á fleiri, sum ikki ætlaðu sær í skúla í morgun. 

Ein persónur ringdi sjálvur til skúlaleiðsluna í gjárkvøldi og boðaði frá, hvør hann var, og at hetta samskiftið ikki var í álvara, men bert til stuttleika.

Persónurin ringdi síðani sjálvur til løgregluna og boðaði frá.

Politiið tekur slíkar fráboðanir sera álvarsliga. Slíkir upplýsningar føra við sær álvarsligan ótta hjá fólki. Av hesi orsøk var viðkomandi handtikin í gjárkvøldið.

Avhoyringar eru gjørdar og støða verður nú tikin til, um ákæra verður reist í málinum. 

Løgreglan hevur nú gjørt kanningar í málinum og staðfest, at málið ikki setur spurnartekin við trygdina hjá næmingum og starvsfólkum á Glasi. Tískil verður skúlagongd sum vanligt fríggamorgunin.

Løgreglan hevur í hesum málið havt sera gott samskifti við leiðsluna á skúla-num, og skúlaleiðslan hevur eftir avtalu við løgregluna givið boð til næmingar og starvsfólk.


Løgreglan hevur ikki fleiri upplýsningar í málinum.
 

Deil

Deil

Samband við politiið:

Teldupostur: politi@politi.fo

Telefon:114

Fleiri tíðindi

16. apríl 2019

Føroya Politi

Yvirlit yvir upplatingartíðir, skeinkingartíðir o.a. serligar dagar

Politiið í Føroyum og Loyvisnevndin hava í felag gjørt eitt yvirlit yvir, hvussu tað er loyvt matstovum og skeinkingarstøðum, har almenningurin hevur atgongd, at hava opið serligar dagar í árinum.

21. mars 2019

Føroya Politi

Advarsel om ny bølge af hacking angreb

Færøernes Politi vil hermed advare om en ny bølge af hacking angreb der allerede har ramt flere færøske virksomheder og privatpersoner

21. januar 2019

Føroya Politi

Saknaði ferðamaðurin í Fugloy er nú eyðmerktur

Løgreglan hevur nú staðfest, hvør saknaði maðurin er, sum hvarv úti í Fugloy.

Nej tak til cookies