Spring til hovedindhold

Uppskot

Føroya Politi

Tíðindi

4. mars 2025 12:00

Revsingin fyri at hava hassj uppi á sær herd

Føroya Rættur hevur við dómum frá 28. februar tikið undir við ákæruvaldinum í, at sektarstøðið fyri at hava hassj uppi á sær til egna nýtslu skal vera hægri

Vanliga revsingin fyri at hava rúsevni uppi á sær til egna nýtslu er sekt.

Metingin hjá Føroya Politi hevur verið, at sektarrevsingin hevur verið ov lin.

Sektarstøðið fyri at hava hassj uppi á sær til egna nýtslu hevur verið óbroytt í nógv ár og er ikki hækkað, tað sum er farið av hesi øldini. Sektin fyri at hava upp til 5 gram uppi á sær hevur verið 750 kr.

Føroya Politi hevur ta fatan, at eitt ov lágt sektarstøðið ongan fyribyrgjandi virknað hevur, og samstundis er tað ikki ein revsing sum kann merkjast. Harumframt er lága sektarstøðið ikki í samsvari við høgu revsingina, sum er fyri at selja hassj víðari.

Tí hevur ákæruvaldið ført fýra mál í Føroya Rætti við pástandi um, at sektarstøðið fyri at hava hassj uppiá sær til egna nýtslu generelt skal hækka. Hesum tók Føroya Rættur undir við.

Vanliga revsingin fyri at hava upp til 5 gram av hassji uppiá sær til egna nýtslu er nú 2.500 kr. fyrstu ferð. Aðru ferð hækkar sektin 50 % og triðju ferð 100%. Millum 5-10 gram av hassji til egna nýtslu kostar nú 3000 kr fyrstu ferð, aðru ferð hækkar sektin 50 % og triðju ferð 100%.

 

 

 

Straffen for besiddelse af hash til eget brug skærpet

Retten på Færøerne har med domme fra den 28. februar givet anklagemyndigheden medhold i, at bødetaksten for besiddelse af hash til eget brug skal være højere.


Den almindelige straf for være i besiddelse af euforiserende stoffer til eget brug er bøde.

Færøernes Politis vurdering har været, at bødestraffen har været for lav.

Bødetaksten for besiddelse hash har været uændret i mange år, og er ikke blevet hævet siden årtusindskiftet. Bøden for besiddelse af op til 5 gram har været 750 kr.

Det er Færøernes Politis opfattelse, at en for lav bødetakst ikke har nogen forebyggende effekt, og samtidig er det ikke en straf, der kan mærkes. Desuden er den lave bødetakst ikke i overensstemmelse med den høje straf, der almindeligvis gives for at sælge hash videre.

Derfor har anklagemyndigheden ført fire sager i Retten på Færøerne med påstand om, at bødetaksten for besiddelse af hash til eget brug generelt skal hæves. Dette var Retten på Færøerne enig i.

Straffen for besiddelse af op til 5 gram hash eget brug er nu 2.500 kr. første gang. Anden gang hæves bøden med 50 %, og tredje gang med 100 %. Mellem 5-10 gram hash til eget brug koster nu 3.000 kr. første gang, anden gang hæves bøden med 50 %, og tredje gang med 100 %.

Samband við politiið:

Teldupostur: politi@politi.fo

Telefon:114

25. apríl 2025

Føroya Politi

Dómur fallin í stóra málinum um hvítvasking og smugling

Í dag er dómur fallin í Føroya Rætti í stóra málinum um hvítvasking og smugling. Seks danir vóru ákærdir í sambandi við, at TAKS og Føroya Politi í fjør løgdu hald á 1,3 mió. kr. í reiðum peningi, 18 kilo av hassji og 800 gramm av hassjolju. Ein av monnunum var harumframt ákærdur fyri at selja 200 gramm av amfetamini í Føroyum.

22. apríl 2025

Føroya Politi

Stórt rættarmál um hvítvasking og smugling byrjar í dag

Seks mans eru ákærdir í einum stórum máli, sum byrjar í Føroya Rætti í dag. Teir ákærdu - sum allir eru danir - eru millum 22 og 41 ár. Teir eru allir ákærdir fyri at hvítvaska pengar og smugla rúsevni til Føroya.

7. apríl 2025

Føroya Politi

Kanning um nøgdsemi við politiið hjá borgarum, ið hava verið fyri brotsverki, almannakunngjørd í dag

Løgmálaráðið ger við fimm ára millumbili kanningar av nøgdsemi hjá borgarum, ið hava verið fyri brotsverki, við arbeiðið hjá politinum. Arbeiðið hjá politinum í Føroyum og Grønlandi hevur higartil ikki verið partur av hesum kanningum, men í 2024 eru vit eisini vorðið partur av kanningini.