Spring til hovedindhold

Uppskot

Føroya Politi

Tíðindi

21. januar 2019 15:20

Saknaði ferðamaðurin í Fugloy er nú eyðmerktur

Løgreglan hevur nú staðfest, hvør saknaði maðurin er, sum hvarv úti í Fugloy.

Løgreglan hevur nú staðfest, at maðurin sum hvarv úti í Fugloy um middagsleitið fríggjadagin hin 11. januar 2019, er tann 29 ára gamli Lukas G.

 

Pápi hansara kom til Føroya í gjárkvøldið, og hann hevur saman við løgregluni  sæð vakmyndir, sum eru tiknar av Lukasi, tá hesin kom í Vágar við flogfari tann 10. januar 2019. Ongin yvi er um, at myndirnar eru av Lukasi.

 

Pápin hevur í dag verið úti í Fugloy við tyrluni hjá Atlantic, har hann hevur sæð truplu umstøðurnar, sum helst eru orsøkin til, at sonurin er burtur, og ikki er funnin aftur.

 

Pápin er ovfarin av stóru leitingini og takkar hjartaliga øllum, sum hava luttikið, bæði á sjógvi, landi og úr luftini.

 

Hann fer heim aftur fríggjadagin.

 

Enn er umráðandi, at fólk sum halda seg vita okkurt um Lukas G., venda sær til politistøðina í Havn á tlf. 114 ella 351448.

 

Samband við politiið:

Teldupostur: politi@politi.fo

Telefon:114

25. mars 2024

Føroya Politi

STONGT

Avgreiðslan hjá politinum í Vágunum hevur stongt 25. mars - 1. apríl.

22. mars 2024

Føroya Politi

Endurlýsing - Føroya Landfúti søkir eftir sýslumanni til Norðoya og Eysturoyar sýslu

Eitt starv sum sýslumaður er leyst at søkja til setan skjótast gjørligt. Starvstíðin er galdandi í trý ár.

21. mars 2024

Føroya Politi

Eystari Landsrættur avgreiddi 7 revsimál í viku 11 og 12

Eystari Landsrættur hevur síðstu tvær vikurnar verið í Føroyum og hevur endaliga avgreitt 7 revsimál