Skrivstovufólk til ákæruvaldið hjá Føroya Politi

Ákæruvaldið er ein partur av Føroya Politi. Sum skrivstovufólk í ákæruvaldinum arbeiðir tú í tøttum samstarvi við ákærarnar. Uppgávurnar eru nógvar og fjølbroyttar. Uppgávurnar fevna m.a. um málsviðgerð av ymsum slag, at senda mál í Føroya Rætt, at skráseta dómar í kriminalregistari, at umsita høvuðspostkassan hjá ákæruvaldinum og at samskifta við Føroya Rætt, Kriminalforsorgina og aðrar føroyskar og danskar myndugleikar.

 

Førleikakrøv:

• Skrivstovuútbúgving ella líknandi
• Góð evni at samskifta á føroyskum, donskum og enskum bæði munnliga og skrivliga
• Góð samstarvsevni
• Viðkomandi starvsroyndir eru ein fyrimunur

 

Vit ímynda okkum, at tú:

• arbeiðir sjálvstøðugt og hevur gott yvirlit
• ert tænastusinnað/ur og álitisfull/ur
• tolir at arbeiða undir trýsti
• ert fyrikomandi, røkin og positiv/ur
• hevur góð evni at samstarva og samskifta

 

Vit kunnu bjóða tær:

• møguleikan at arbeiða fyri rættvísi
• eitt spennandi arbeiðspláss við ferð á
• møguleika fyri fakligari og persónligari menning
• dugnaligar og ágrýtnar starvsfelagar

Lønar- og setanartreytir:

Hesar treytir verða ásettar eftir avtalu og eftir galdandi sáttmála millum HK-felagið og Moderniseringsstyrelsen. Arbeiðstíðin er 37 tímar um vikuna.

Trygdargóðkenning frá PET krevst fyri at blíva sett/ur í starvið.

Skrivlig umsókn við CV og viðkomandi skjølum skulu vera Politinum í hendi í seinasta lagi 20. mars 2023 og skal sendast til: fo-personalekontor@politi.dk

Hevur tú spurningar um starvið, ert tú vælkomin at seta teg í samband við Katrin Thorsvig Hansen, høvuðsákæra, á telefon 22 41 17.

Um ákæruvaldið

Føroya Politi er skipað í tríggjar ymsar súlur; politisúlu, ákærusúlu og fyrisitingarsúlu. Hjá Føroya Politi arbeiða tilsamans uml. 170 fólk í hesum trimum súlunum. Í ákæruvaldinum eru í løtuni 10 starvsfólk (løgfrøðingar, skrivstovufólk og lesandi). Vit arbeiða tætt saman við bæði politi- og fyrisitingarsúlunum.

Høvuðsendamálið hjá ákæruvaldinum er – saman við restini av politinum – at tryggja, at sek verða revsað, og at ósek ikke verða fyri revsirættarsókn. Okkara virði eru, at vit skulu vera rættvís, ordilig, greið og eldhugað.