Spring til hovedindhold

Uppskot

Føroya Politi

Tíðindi

1. juli 2020 16:44

Deil

Deil

Steen Nørskov er útnevndur til sjefpolitiinspektør

Ríkispolitiið hevur í dag alment boðað frá, at Steen Nørskov er útnevndur til sjefpolitiinspektør hjá Føroya Politi frá 1. juli 2020 at rokna. Setanin er áramálssett til 3 ár.
Steen Nørskov hevur virkað í starvinum síðani í 2018.

Politi

Nýútnevndi sjefpolitiinspektørurin úttalar seg soleiðis um útnevningina:

”Tað er við gleði og ávísum stoltleika, at eg kann siga, at eg nú eri útnevndur til sjefpolitiinspektør í Føroyum.

Tey síðstu 2½ árini, hava víst mær, at politiembætið er samansett av ógvuliga dugnaligum starvsfólkum, og fari eg framvegis at verða ein partur av felagsskapinum, sum dagliga strembar eftir at skapa eitt professionelt politi, sum tænir tí føroyska samfelagnum.

 

Ávirkanin frá londunum uttan um okkum, er eisini galdandi fyri Føroyar. Landið er tí ikki bara nakrar lítlar, avbyrgdar oyggjar í Norðuratlantshavinum.

 

Politiið her er ein partur av tí danska politinum, sum undir føroyskum viðurskiftum alla tíðina skal betra seg í mun til krøv og tí, sum verður væntað av okkum. Eg fari at gera mítt besta fyri, at samspælið okkara millum og samspælið við Ríkispolitiið framhaldandi blívur gott og mennandi og soleiðis, at tað føroyska samfelagið sær okkum sum eitt tíðarhóskandi politi”.

Michael Boolsen, fúti, gevur Steen Nørskov hesi orðini við á leiðini:

”Eg gleðist sera nógv um, at hava fingið Steen við á liðið og undir meiri føstum rammum. Tað geri eg av fleiri ymiskum orsøkum. Fyrst og fremst er Steen sera dámligur og avhildin av starvsfólkunum, sum hava fingið ein trúverdan leiðara í Steen, og er hann ein góður og álítandi partamaður í leiðslutoyminum hjá Føroya Politi".

 

Deil

Deil

Samband við politiið:

Teldupostur: politi@politi.fo

Telefon:114

Fleiri tíðindi

16. januar 2021

Føroya Politi

Smugla 2 kg av hashi til Føroyar

Ein 42 ára gomlum maður royndi seinnapartin í gjár á flogvøllinum í Vágum, at smugla 2 kg av hashi til Føroyar.

12. januar 2021

Føroya Politi

Varðhaldsfongslaður í 4 vikur

23 ára ganal maður varðhaldsfongslaður í 4 vikur fyri narko, brot á vápnalógina og harðsskap ímóti politinum

18. november 2020

Føroya Politi

Ferðslutrygdin er raðfest

Ráðið Fyri Ferðslutrygd og politiið seta støðugt yvirskipaðu ferðslutrygdarviðurskiftini í Føroyum í miðdepilin. Í tøttum samstarvi miða myndugleikarnir eftir at gera ferðsluátøk á støðum, har vandin er størst fyri ferðandi í ferðsluni.