Stuldurin á Viðareiði

Við góðari hjálp frá fólki í Norðoyggum, hevur politiið nú fingið til vega megin partin av stóru peningaupphæddini, ið bleiv stolin á Viðareiði.

Politiið fekk seinnapartin fyrradagin eitt ”tip”sum førdi til, at megin parturin av peningaupphæddini bleiv funnin.

Ongin er enn skuldsettur í málinum, men politiið hevur onkran illgrunað til hvør viðkomandi kann verða, ið hevur framt stuldurin.

Av tí at kanningararbeiðið ikki er komi á mál, kann politiið ikki nevna nakað um hvussu stór peningaupphædd talan er um ella hvar peningaupphæddin er funnin.

Polittið takkar øllum teimum. ið hava ringt og hjálpt til við kanningarbeiðnum.