Tvey fólk handtikin fyri at smugla 24 kg av hashi til Føroya
Í sambandi við at tollararnir hjá TAKS í gjár kannaðu ein bil, sum skuldi í land av Norrønu, funnu teir 24 kg av hashi. Føroya Politi handtók í hesum sambandi eina kvinnu og ein mann og skuldsetti tey fyri brot á grein 191 í revsilógini, sum snýr seg um smugling av narkotika.
Ákæruvaldið framstillaði fólkini í grundlógaravhoyring í Føroya Rætti í morgun. Fólkini, sum eru donsk, vóru varðhaldsfongslað í fýra vikur.
Talan er um eina ógvuliga stóra einstaka nøgd av hashi við einum søluvirði á upp til 7 mió. kr. Politiið fer komandi tíðina m.a. at kanna, hvør skuldi taka ímóti hashinum í Føroyum.
Brot á grein 191 í revsilógini kann hava við sær fongsul í upp til 10 ár.
Politiið hevur í løtuni ikki fleiri viðmerkingar til málið.
To personer anholdt for at smugle 24 kg af hash til Færøerne
I forbindelse med at tolderne i det færøske skattevæsen TAKS i går undersøgte en bil, som skulle i land fra Norrøna, fandt de 24 kg hash. Færøernes Politi anholdt i denne forbindelse en kvinde og en mand og anklagede dem for overtrædelse på paragraf 191 i straffeloven, som handlser om smugling af narkotika.
Anklagemyndigheden fremstillede personerne i grundlovsafhøring i Retten på Færøeren i morges. Personerne, som er danske, blev varetægtsfængslet i fire uger.
Der er tale om en meget stor enkeltmængde av hash med en salgsværdi på op til 7 mio. kr. Politiet vil i den næste tid bl. a. undersøge, hvem skulle tage imord hashen på Færøerne.
Overtrædelse af paragraf 191 i straffeloven kan medføre fængsel i op til 10 år.
Politiet har ikke flere kommentarer til sagen på nuværende tidspunkt.
Samband við politiið:
Teldupostur: politi@politi.fo
Telefon:114