Spring til hovedindhold

Uppskot

Føroya Politi

Tíðindi

13. juli 2022 17:09

Deil

Deil

4 mánaðir treytaleysa fongsulsrevsing og útvísing

Aftur í dag er ein straksdómur fallin í einum máli um innflutning av hashi.

Ein 26 ára gamal maður bleiv í dag dømdur í Føroya Rætti fyri at royna at innflyta uml. 2 kg. av hashi til Føroya við tí fyri eyga, at selja tað víðari.

Maðurin, sum er rumenskur ríkisborgari, kom til Føroya við flogfari í gjár. Í samband við tolleftirlitið var avdúkað, at maðurin royndi at smugla uml. 2 kg. av hashi, sum var fjalt í konservesdósum í viðførinum.

Maðurin játtaði, at hann hevði roynt at smugla hashið til Føroya, og tí var tað aftur í dag møguleiki at avgreiða eitt rúsevnismál við einum straksdómi í Føroya Rætti.

Maðurin bleiv dømdur 4 mánaðir treytaleysa fongsulsrevsing. Av tí, at maðurin er rumenskur ríkisborgari, sum einki tilknýti hevur til Føroya, kravdi ákæruvaldið, at maðurin skuldi útvísast úr Føroyum, og at tað skuldi knýtast eitt 5 ára innferðarbann til útvísingina. Hesum tók Føroya Rættur undir við.

Av tí, at maðurin við dóminum bleiv vístur úr Føroyum, kravdi ákæruvaldið eisini, at maðurin skuldi fongslast eftir dómin, og at hann skal sita til útvísingin kann fremjast. Eisini hesum tók Føroya Rættur undir við.

Maðurin móttók dómin.

Deil

Deil

Samband við politiið:

Teldupostur: politi@politi.fo

Telefon:114

Fleiri tíðindi

12. juli 2022

Føroya Politi

Enn ein straksdómur í máli um innflutning af hashi

Fyri aðru ferð í summar er ein sokallaður straksdómur fallin í einum máli um innflutning av hashi.

6. juli 2022

Føroya Politi

Stjóri til leiðsluskrivstovuna hjá Føroya Politi

Fleiri uppgávur hjá Føroya Politi skulu í næstum endurskipast. Vit leita tí eftir einum stjóra til eina nýggja leiðsluskrivstovu, sum tú skalt hava ábyrgdina av.

15. juni 2022

Føroya Politi

Straksdómur í máli um innflutning af hashi

Ein 39 ára gamal maður er í dag dømdur í Føroya Rætti fyri at royna at innflyta uml. 475 gram av hashi til Føroya við tí fyri eyga at selja tað víðari.

Uppskot