Spring til hovedindhold

Uppskot

Føroya Politi

Tíðindi

4. mai 2022 15:38

Mál um innflutning av stórari nøgd av hashi skotið inn fyri Eystara Landsrætt

Ákæruvaldið hevur gjørt av at skjóta eitt mál um innflutning av hashi til Føroya inn fyri Eystara Landsrætt.

Tveir menn vóru 22. apríl 2022 dømdir í Føroya Rætti fyri at hava innflutt ávikavist uml. 12 kg og 19 kg av hashi í tíðarskeiðinum millum mai 2021 og oktober 2021 við tí fyri eyga,at selja tað víðari. Sambært ákæruvaldinum hava menninir eisini arbeitt saman við øðrum gerningsmonnum bæði í Føroyum og í Danmark.

Politiið hevur kannað málið síðani í fjør heyst, tá ein persónur, sum kom til Føroya við Norrønu, boðaði politinum frá, at ein magnetkassi, sum hevði verið fastmonteraður undir bilinum hjá honum, sannlíkt hevði ólógligt innihald. Viðkomandi visti ikki av, at kassin var monteraður, men greiddi frá, at møguligur gerningspersónur hevði roynt at fingið fatur aftur á kassanum. Magnetkassin var handaður politinum og vísti seg at innihalda uml. 2kg av hashi. Kanningarnar hjá politinum vístu, at hetta bert var ein av fleiri ferðum, at stórar mongdir av hashi yvir eitt longri tíðarskeið vóru innfluttar á henda ella líknandi hátt av óvitandi triðjaparti.

Niðurstøðan hjá Føroya Rætti í málinum var, at teir báðir menninir vóru sekir í at hava innflutt ávikavist 12kg og 19kg av hashi í tíðarskeiðnum millum mai 2021 til oktober 2021. Menninir vóru dømdir ávikavist 1 ár og 9 mánaðir og 2 ár og 6 mánaðir.

Ákæruvaldið staðfestir, at Føroya Rættur í høvuðsheitum hevur tikið undir við ákæruvaldinum og dømt menninar sekar. Ákæruvaldið metir tó at ásetta revsingin hjá øðrum manninum, sum var 1 ár og 9 mánaðar, er ov lin og hevur tí skotið málið móti tí manninum inn fyri Eystara Landsrætt við pástandi um hægri revsing.

Samband við politiið:

Teldupostur: politi@politi.fo

Telefon:114

27. juni 2025

Føroya Politi

Fongsulsrevsing fyri at hótta politikara

Ein maður í fjøritunum varð í gjár dømdur 30 daga treytaleysa fongsulsrevsing fyri at hótta ein politikara í beinleiðis boðum á Messenger.

10. juni 2025

Føroya Politi

Virksemið hjá Føroya Politi í tølum 2024

Føroya Politi savnar árliga eina røð av hagtølum, sum verða løgd út á okkara heimasíðu. Tað er nú annað árið á rað, at vit leggja hagtølini fram í hesum nýggja og fakliga viðkomandi sniði. Hagtølini fyri 2023 og 2024 eru skipað eftir sama leisti, so nú ber til at samanbera hesi tølini.

5. juni 2025

Føroya Politi

Skrivstovunæmingur til Føroya Politi

Kundi tú hugsað tær eitt spennandi lærupláss innan almenna fyrisiting? So hevur tú møguleikan nú. Føroya Politi sóknast eftir einum nýggjum skrivstovunæmingi, og vit kunnu bjóða tær eina fjølbroytta skrivstovuútbúgving, har tú sum skrivstovunæmingur fært eitt spennandi arbeiðpláss við fakligum avbjóðingum og góðum samanhaldi.