Ákæra reist í málinum um kommunuvalið í Oyndarfirði

Ákæruvaldið hjá politinum í Føroyum hevur nú ákært ein persón fyri at reingja valúrslitið í Oyndarfirði í samband við kommunuvalið í fjør. Persónurin er ákærdur fyri brot á § 116, stk. 1 í revsilógini. Ákæruvaldið hevur ikki fleiri viðmerkingar til málið í løtuni.

Revsingin herd í stórum rúsevnismáli

Stóra málið um smugling av umleið 4 kg av amfetamini, sum var fyri í Føroya Rætti í mars, hevur seinastu dagarnar verið viðgjørt í Eystara Landsrætti í Keypmannahavn. Endaligur dómur varð sagdur á middegi í dag, og landsrætturin herdi tríggjar av fýra dómum.

Føroysk børn síggja og deila ólógligt seksuelt tilfar

Føroya Politi fær í hesum døgum fleiri fráboðanir frá NCMEC (National Center for Missing & Exploited Children), um at fleiri føroysk børn í aldrinum 11-14 ár deila seksuelt tilfar av føroyskum børnum og ungum á teimum sosialu miðlunum. Gongdin er ørkymlandi, og fáa vit ikki steðgað hesum, kunnu vit vænta, at fleiri føroysk ung skjótt fáa eina skuldsetning og harvið ein blett á barnaváttanina, ljóða greiðu boðini frá politinum.